Sanidade advirte de que máis da metade dos ingresados na UCI teñen 40 ou menos anos
A transmisión da Covid acelera con máis de 650 contaxios nun día, cifra récord desde febreiro.
- A transmisión da Covid acelera con máis de 650 contaxios nun día, cifra récord desde febreiro
- Paso a paso cara á inmunidade de grupo: máis do 56% da poboación a vacinar conta xa coas dúas doses
Por Europa Press / Redacción | SANTIAGO DE COMPOSTELA | 10/07/2021 | Actualizada ás 13:36
A Consellería de Sanidade advertiu este sábado de que máis da metade das persoas ingresadas nas unidades de coidados intensivos (UCI) dos hospitais galegos teñen 40 ou menos anos. Un dato que o departamento autonómico asegura que "preocupa" e ante o que apela ao "sentidiño" ao asegurar que "o virus segue moi activo".
"Hai que gozar dun verán seguro". A Consellería de Sanidade lanzou esta mensaxe nunha xornada na que os novos contaxios de covid-19 detectados nun só día se volveron disparar en Galicia ata situarse nos 655, en niveis inéditos desde a terceira onda da pandemia en febreiro. Así, os casos activos da enfermidade aumentaron ata os 4.168, case medio milleiro máis que hai un día.
Con todo, nos que respecta á presión hospitalaria, reduciuse lixeiramente nas últimas horas, ata o global de 59 ingresados --un menos que 24 horas atrás--. Isto débese a que a baixada dos pacientes con covid en planta, ata os 47 --tres menos--, compensou a subida rexistrada entre os que están en unidades de coidados intensivos, ata os 12 --dous máis--.
