Reforzan os controis este fin de semana ante a afluencia de xente polo bo tempo
A Xunta reclama a "colaboración de todos os cidadáns" no cumprimento das medidas para frear a pandemia.
Por Europa Press / Redacción | SANTIAGO DE COMPOSTELA | 16/07/2021 | Actualizada ás 16:03
As policías locais das sete cidades galegas e Vilargacía de Arousa, xunto cos corpos de seguridade --Policía Nacional, Garda Civil e Policía Autonómica--, "reforzarán" os controis este fin de semana ante á afluencia de xente que se espera polo bo tempo para velar por que se cumpran as medidas para frear a pandemia da Covid-19.
Así o destacou este venres o director xeral de Emerxencias, Santiago Villanueva, tras a reunión da Sala de Control de Operativos (Sacop), na que participaron representantes das forzas de seguridade para abordar as medidas de prevención fronte á Covid-19.
Villanueva explicou que este fin de semana coa predición de altas temperaturas que "vai traer consigo unha maior afluencia de xente nas rúas", os corpos de seguridade inciden "de novo nas medidas de control contra a Covid nesta pandemia" que, subliñou, "é unhas cousas de todos, non só das policías locais".
"Por moita actuación policial que se estableza, se reforcen os servizos, se non hai unha colaboración da cidadanía, é imposible. Reclamamos esa colaboración dos cidadáns, de todos os galegos", apelou.
A iso uniu que, na parte que lle toca aos corpos de seguridade, en "todas as cidades, todas as policías locais van reforzar o servizo do mesmo xeito que a Policía Nacional, Garda Civil e Unidade Adscrita da Policía". "Imos redobrar esforzos para facer ese control", abundou.
Neste sentido, insistiu que "entre todos", cidadáns; corpos de seguridade e servizos de emerxencia, vaise superar a pandemia, polo que apelou á colaboración "nunha situación, sobre todo, de face ao verán que moita xente sae á rúa". "Esa colaboración e prevención dos corpos de seguridade vai saír ben de face a este fin de semana", apostilou.
RESULTADOS POSITIVOS
Sobre a reunión da Sacop deste venres, Villanueva explicou que, ademais de abordar o dispositivo do fin de semana, serviu para facer balance da semana pasada. Así, valorou que a colaboración resulta "moi positiva á hora de controlar as distintas actuacións nas cidades".
Na reunión deste venres celebrada na Estrada, participaron representantes das policías locais do "oito cidades de Galicia", indicou Villanueva, así como da Policía Nacional, Garda Civil, Policía Autonómica, 061 e Dirección Xeral de Emerxencias. Villanueva agradeceu "o esforzo de todos os corpos de seguridade" que, ademais das súas actuacións ordinarias, realiza outras específicas pola Covid.
