Evacuado un home tras sufrir un desmaio na praia de Laxe
O home, duns 60 anos de idade, foi evacuado consciente ata un hospital no helicóptero medicalizado.
Por E.P. | SANTIAGO DE COMPOSTELA | 16/07/2021 | Actualizada ás 20:19
Os socorristas da praia de Laxe reanimaron a un home duns 60 anos de idade que sufriu un desmaio dentro da auga, tras o cal foi evacuado en helicóptero do 061-Urxencias Sanitarias.
Segundo información do 112 Galicia, ocorreu sobre as 17,15 horas da tarde deste venres. Entón, varios particulares chamaron á central de emerxencias para alertar de que un home estaba no chan da beira inconsciente mentres os socorristas lle realizaban manobras de reanimación cardiopulmonar.
De inmediato, o 112 avisou ao 061, á Policía Local, ao GES de Ponteceso e a Protección Civil de Laxe. Fontes deste último servizo ratificaron a Europa Press que o home, duns 60 anos de idade, foi evacuado consciente ata un hospital no helicóptero medicalizado.
