Por E.P. | SANTIAGO DE COMPOSTELA | 20/07/2021 | Actualizada ás 13:38
A Garda Civil investiga a un veciño do Vicedo de 56 anos de idade por un delito de homicidio por imprudencia grave en relación ao atropelo mortal dun peón. Segundo informa o Instituto Armado, ademais, a este condutor impútanselle os delitos de abandono do lugar do accidente e de omisión do deber de socorro.
Este sinistro viario mortal ocorreu o pasado 21 de xuño no quilómetro 70,900 da estrada LU-862, consistente nun atropelo a un peón con resultado de morte, lembrou a Benemérita. A persoa investigada en relación con estes feitos foi posta a disposición do Xulgado de Instrución número 1 de Viveiro.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.