As reservas dos grupos sanguíneos Cero negativo e Cero positivo seguen baixas

As reservas dos grupos sanguíneos Cero negativo (0-) e Cero positivo (0+) permanecen baixas en Galicia, mentres que as da negativo (A-) e A positivo (A+) atópanse en niveis normais.

A Axencia de Doazón de Órganos e Sangue (ADOS) lembra que os hospitais galegos necesitan unha media de 500 doazóns diarias para levar a cabo adecuadamente o seu labor asistencial.

Co fin de facilitar a doazón o vindeiro luns, 26 de xullo, ADOS desprazará unidades móbiles ás localidades coruñesas de Fene --diante do centro de saúde--; Cambre --xunto ao Concello--; Oleiros --entrada á lagoa en Mera--; Ribeira --Aguiño-- e Cerceda --campo da feira--.

Tamén o luns haberá unidades móbiles de ADOS no municipio lucense de Sarria --cale Calvo Sotelo--; así como na provincia ourensá en Maside --á beira da igrexa-- e Ourense --Rúa do Paseo--.

Ademais, ADOS enviará o día 26 unidades móbiles para facilitar a doazón nos concellos pontevedreses de Vila de Cruces --Rúa Castelao-- e Vigo --á beira do farol de Príncipe e no barrio de Teis--.

Unha unidade móbil de ADOS | Fonte: AXENCIA DE DOAZÓN DE ÓRGANOS E SANGUE (ADOS)