Por E.P. | SANTIAGO DE COMPOSTELA | 23/07/2021 | Actualizada ás 18:13
A Delegación do Goberno en Galicia informou este venres da asignación de 45,9 millóns de euros á Xunta de Galciia para pór en marcha programas de emprego. Tal e como informou a Delegación nun comunicado, alcánzanse así os 215,8 millóns de euros concedidos, tras a repartición do pasado mes de abril --no que o Goberno gallaego obtivo unha asignación de 169,9 millóns de euros--.
A LXXX Conferencia Sectorial de Emprego e Asuntos Laborais aprobou os criterios de repartición e distribución entre as comunidades autónomas, entre as que Galicia é "a quinta Comunidade con máis fondos", por diante de Euskadi, Canarias ou Castela e León.
O novo acordo de distribución de fondos establece tamén os criterios para os próximos anos, "nos que será importante o cumprimento dos obxectivos". Así, segundo sinalou a Delegación, o Goberno sitúa o emprego de calidade "como un obxectivo central dos fondos europeos".
Neste sentido, o Executivo central asegurou que é "necesario" aproveitar o actual esforzo para "finalizar co principal problema do conxunto do Estado". Ademais, establece que o emprego ten que ser "un motor da transformación produtiva".
No comunicado, o departamento sinalou que a Xunta recibe 10,2 millóns de euros para financiar a creación e a actividadde os novos Centros de Orientación e Emprendimiento, así como o financiamento dun Plan Transversal de Igualdade de Xénero.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.