Traballan para controlar un incendio na parroquia de Santa Mariña do Monte

Un total de seis avións e dous helicópteros traballan nos labores para tentar controlar un incendio forestal que permanece activo na parroquia de Santa Mariña do Monte, unha zona nos arredores da cidade de Ourense.

Segundo informaron a Europa Press fontes da Consellería de Medio Rural, o lume iniciouse ás 15,56 horas e, aínda que evoluciona "favorablemente", permanece activo e calcinou sobre unha hectárea de terreo.

Ademais do amplo dispositivo de medios aéreos, tamén colaboran no equipo de extinción tres axentes, oito brigadas, catro motobombas e os Bombeiros de Ourense.

Helicóptero nas tarefas de extinción dun incendio en Chandrexa | Fonte: Brif Laza