Detidos dous mozos por agredir con coitelos un individuo na zona de viños de Ourense

Axentes da Policía Nacional detiveron dous homes como presuntos autores dun delito de lesións con arma branca por agredir con coitelos a unha persoa na zona de viños de Ourense. Segundo informou a Policía Nacional, o 4 de xullo pasado tivo coñecemento que no PAC da rúa Concello de Ourense foi atendida unha persoa ferida por arma branca, con "afectación nerviosa e tendinosa na zona da lesión, polo que é necesario intervención cirúrxica", realizada no hospital Povisa de Vigo.

Os axentes de policía de atención ao cidadán identificaron a vítima, quen manifestou que se atopaba na zona dos viños cando foi atacada con coitelos por dúas persoas ás que coñece de vista, pero descoñecía o motivo da agresión. A unidade de Delincuencia Especializada e Violenta da Comisaría de Ourense iniciou o labor de investigación e identificou os presuntos autores deste delito de lesións, cuxa localización resultou "difícil", asegura a Policía, ao "non ter domicilio coñecido".

O pasado 29 de xullo foron detidos os dous homes presuntos autores do delito de lesións, de 30 e 25 anos de idade.

Dous vehículos da Policía Local no parque das Mercedes, nun control policial para evitar botellóns e aglomeracións, en Ourense | Fonte: Rosa Veiga - Europa Press.