Santigo celebra a música tradicional con máis de 60 artistas e 20 concertos
O 'Tradfest' terá lugar só este sábado na capital galega.
Por E.P. | SANTIAGO DE COMPOSTELA | 31/07/2021 | Actualizada ás 11:21
Santiago festexará este sábado 31 a música de raíz cunha nova edición do 'Tradfest', que conta coa colaboración da Xunta para o desenvolvemento de 20 concertos, 'ruadas' e unha feira de artesanía, entre outras actividades, coa participación de máis de 60 artistas.
O director da Axencia Galega das Industrias Culturais, Jacobo Sutil, participou este luns na presentación do evento xunto ao concelleiro de festas da cidade, Gonzalo Muiño, e representantes da organización: Aclamación Belho, de Nordesía Producións; e Mauro Senín, de aCentral Folque.
Enmarcado na programación das Festas do Apóstolo, o evento inclúe as actuacións da Banda das Crechas, Felisa Segade, Dávos Porfía, Marcos Coll, Caamaño & Ameixeiras e Sheila Patricia na Praza da Quintana.
En Bonaval uniranse tamén Antonio Prado e Miguel Vázquez, Mózart á Galega, Tobie Miller, Tor, Grupo 1500, Xico de Carinho e Cuchús Pimentel, Najla Shami, Arredor da Tradición, Caldo e Cuarteto Caramuxo, entre outros.
