Envorca unha ambulancia en Ourense tras chocar cun camión do lixo
O conductor do vehículo sanitario resultou ferido.
Por E.P. | SANTIAGO DE COMPOSTELA | 31/07/2021 | Actualizada ás 12:30
O condutor dunha ambulancia resultou ferido a madrugada deste sábado no centro de Ourense tras chocar contra un camión do lixo, segundo informaron a Europa Press fontes policiais.
O suceso tivo lugar pasada a medianoite, sobre as 00.30 horas do sábado, nas inmediacións da avenida da Habana, en Ourense. A ambulancia saltou un semáforo desa rúa e impactou contra un camión de lixo que circulaba pola perpendicular, Ramón Cabanillas.
O condutor da ambulancia, que envorcou debido ao impacto, resultou ferido e tivo que ser trasladado ao Complexo Hospitalario Universitario de Ourense.
Non houbo que lamentar máis feridos xa que a ambulancia non trasladaba pacientes. Ata o lugar do suceso desprazáronse dúas unidades de bombeiros da cidade, a Policía Local e axentes da Policía Nacional.
