Dous positivos por Covid nunha residencia de maiores da Coruña elevan a 24 os usuarios contaxiados en Galicia
Os centros de discapacidade continúan con 22 casos activos.
Por Europa Press / Redacción | SANTIAGO DE COMPOSTELA | 02/08/2021 | Actualizada ás 12:22
Dous novos positivos por Covid-19 detectados nunha residencia de maiores Concepción Arenal da Coruña elevan a 24 os usuarios destes centros contaxiados en Galicia. Así o informan este luns as consellerías de Política Social e Sanidade, que indican que actualmente hai 24 usuarios contaxiados en cinco residencias de maiores de Galicia.
En concreto, 18 dos 24 casos activos corresponden á Residencia Santo Estebo de Perlío en Fene; dous á Bo Día Magnolio de Vigo; outros dous á Concepción Arenal da Coruña; un á Caser A Zapateira e outro á Residencial de Val do Dubra.
En canto ás residencias de discapacidade, continúan con 22 usuarios contaxiados, 21 deles no Fogar e Clínica de San Rafael de Vigo e un no CAPD de Sarria.
