Por Europa Press / Redacción | SANTIAGO DE COMPOSTELA | 04/08/2021 | Actualizada ás 13:32
A directora de Turismo de Galicia, Nava Castro, explicou este mércores que, á vista dos datos de ocupación que os hostaleiros da comunidade trasladan á Xunta, as cifras de turismo no verán de 2021 serán "mellores" que as do mesmo período en 2019, antes da pandemia por coronavirus.
A popular subliñou os datos de estimación de ocupación nos meses de xuño e xullo, achegados polos empresarios do sector turístico, para destacar que Galicia é un dos territorios do Estado que mellores sensacións transmite, "tanto cuantitativas como cualitativas".
"O turista elixe a nosa comunidade polo clima e polos seus ecosistemas", engadiu Castro, "ademais de por as múltiples opcións de actividades ao aire libre que ofrece Galicia". A directora de Turismo afirmou que as sensacións do Executivo autonómico con respecto ao verán son "positivas", aínda que sen perder a "prudencia"
Á pregunta de se as recentes restricións aplicadas polo comité clínico do Goberno galego poderían disuadir aos turistas de vir a Galicia, contrapuxo que "precisamente a seguridade das medidas é o que fai que este sexa un destino máis atractivo". "Os tests para detectar o virus e a vacinación son agora mesmo a mellor maneira de contar cun turismo seguro", finalizou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.