Aumenta a quinta onda: soben os contaxios e os pacientes nas UCIs por mor da Covid
Os pacientes hospitalizados descenden a 302 e a taxa de positividade baixa a un 12,9% na Comunidade galega
Por Europa Press / Redacción | SANTIAGO DE COMPOSTELA | 05/08/2021 | Actualizada ás 11:21
Os contaxios de Covid-19 mantéñense por encima do milleiro por segunda xornada consecutiva en Galicia, tras arrincar esta semana por baixo, ao aumentar a 1.110; e os casos activos soben lixeiramente a 18.643 despois de tres días en descenso. En canto á taxa de positividade, redúcese a un 12,92 por cento.
Segundo os datos actualizados na mañá deste xoves pola Consellería de Sanidade con rexistros de ata as 18,00 horas do mércores, recollidos por Europa Press, as persoas ingresadas pola Covid-19 en UCI soben a 52 --seis máis--, mentres que os hospitalizados noutras unidades redúcense a 250 --sete menos--. Ademais, hai 18.341 pacientes en seguimento nos seus domicilios.
Por áreas sanitarias, a presión hospitalaria baixa en tres das sete --Ourense, Santiago e Barbanza e Lugo--; aumenta en dúas --Vigo e Ferrol-- e mantense noutras dúas --A Coruña e Cee e Pontevedra e O Salnés--.
Na de Ourense descenden a catro os pacientes Covid en UCI --un menos-- e a 31 os ingresados noutras unidades --oito menos--; na de Santiago e Barbanza aínda que soben a catro os críticos --un máis--, descende a 23 os doutras unidades --tres menos--. Na área de Lugo aumentan a seis os hospitalizados en UCI --dous máis--, pero baixan a 29 os doutras unidades --catro menos--; mentres que a de Pontevedra e O Salnés reduce a seis os críticos --un menos-- e soben a 28 os doutras unidades --un máis--.
Pola súa banda, na de Ferrol ascenden a 10 os ingresados en UCI --tres máis-- e a 21 os doutras unidades --un máis--; e na de Vigo aumentan a sete os críticos --dous máis-- e a 53 os doutras unidades --seis máis--. E na área da Coruña e Cee continúan 15 pacientes Covid ingresados en Unidade de Coidados Intensivos e 65 hospitalizados noutras debido a este coronavirus.
SOBEN OS CASOS ACTIVOS
Os casos activos de Covid-19 frearon a tendencia descendente do tres últimas xornadas e aumentan lixeiramente a 18.643 en Galicia, ao haber máis contaxios (1.110) que altas (1.088), ao que se engaden dous falecementos. Con respecto a hai unha semana, hai 133 infeccións activas menos que as 18.776 rexistradas o xoves 29 de xullo, despois de máis dun mes en ascenso continuo ata este pasado sábado.
Por áreas sanitarias, os casos activos descenden en cinco das sete: Ourense (-68), Lugo (-41), Pontevedra e O Salnés (-41), Vigo (-23) e Santiago e Barbanza (-2); mentres que soben nas da Coruña e Cee (+153) e Ferrol (+43). Deste xeito, con máis infeccións activas mantense a área de Vigo, con 4.623; seguida da da Coruña e Cee, con 4.297; Pontevedra e O Salnés, con 2.662; Santiago e Barbanza, con 2.214; Lugo, con 2.171; Ourense, con 1.596; e Ferrol segue á cola, con 1.080.
CONTAXIOS EN ASCENSO
Os novos contaxios mantéñense por segundo día consecutivo por encima do milleiro ao ascender a 1.110, que supoñen 69 máis que este mércores, tras arrincar a semana por baixo desa barreira por primeira vez desde o 20 de xullo con 939 e descender a 837 o martes.
En Galicia foron confirmados 1.103 positivos por Probas Diagnósticas de Infección Activa (PDIA) no último día (que poden corresponder a casos activos doutras xornadas aos que se realiza unha nova proba diagnóstica), que representan 29 máis que o día anterior, dos cales 295 corresponden á área da Coruña e Cee; 227, á de Vigo; 144, á de Pontevedra e O Salnés; 127, á de Santiago e Barbanza; 124, á de Lugo; 94, á de Ferrol; e 92, á de Ourense.
En canto á taxa de positividade das PCR, descende a un 12,9 por cento tras repuntar a un 15 por cento o día anterior, despois de baixar a un 12% o martes e iniciar esta semana cun repunte ao 14,98%. Así, a Comunidade galega segue por encima dese 5% que establece a OMS para dar por controlada a pandemia, un limiar que, ata fai catro semanas, non superaba desde o 15 de febreiro.
