Farmacéuticos critican as condicións nas que realizan test de antíxenos

A Asociación Sindical Galega de Farmacéuticos Adxuntos (ASGAFA) comaprtiu un comunicado no que critican as condicións nas que están realizando test de antíxenos. Dendo o inicio da crise provocado pola Covid-19, consideran que o persoal farmacéutico quedou excluído ao sistema de saúde, tal como critican dende a asociación. Ademais, denuncian que os farmacéuticos adxuntos non son tidos en conta polas administracións, polos Colexios Oficiais de Farmacéuticos (COF) nin polos titulares das oficinas de farmacia. 

"Os farmacéuticos estivemos expostos a contaxiarnos nas oficinas de farmacia debido á proximidade á poboación propia da nosa profesión, pero incrementamos ese risco ao participar nas entregas a domicilio dos medicamentos para pacientes COVID e en cuarentena domiciliaria", expoñen dende ASGAFA. 

Os farmacéuticos traballan en actividades sociosanitarias como os programas de cribado e recollida de mostras de saliva para test COVID. Do mesmo xeito, tamén expiden certificados de vacinación ou de ter pasado a enfermidade. A isto súmaselle a tarefa de supervisar a realización de test de antíxenos. Segundo ASGAFA, isto pon de manifesto moitas carencias á hora de desenvolver os proxectos, que implican unha maior exposición e proximidade coa poboación. Consideran que os COF se deberían negar a desenvolver actividades asistenciais sen pilotar previamente, pois tanto farmacéuticos como pacientes deben ter "a seguridade de que o que fan é o correcto". 

Con respecto aos Farmacéuticos Adxuntos, critican que son os titulares das farmacias os que poden rexistrar aos adxuntos como voluntarios adheridos ao programa de test de antíxenos sen o seu consentimento, o que consideran "un ninguneo á nosa autonomía como profesionais farmacéuticos". Ante isto, consideran que o dereito a inscribirse debería ser dos propios farmacéuticos adxuntos.

Aínda que dende ASGAFA reiteran o seu ofrecemento para colaborar en todos os proxectos destinados a mellorar a saúde da comunidade, néganse a "que a situación e alarma sanitaria na que estamos se convirta de novo en excusa para limitar os nosos dereitos como traballadores, e aínda menos como persoas".