Seguen subindo os casos de covid-19 en residencias de maiores
Aumentan a 47 ao rexistrase catro positivos máis na residencia de Ribadeo.
Por Europa Press / Redacción | Santiago de Compostela | 08/08/2021 | Actualizada ás 16:19
Os casos de covid-19 en residencias de maiores galegas soben ata os 47 ao rexistrase catro positivos máis na residencia de Ribadeo, en Lugo.
Segundo informou a Consellería de Sanidade, estes catro casos súmanse aos tres anteriomente notificados no mesmo centro. Ademais deste sete positivos, hai dous casos na residencia Concepción Arenal da Coruña, nove na de Santo Estebo de Perlío (Fene), seis na Vivenda comunitaria de Alfoz (Lugo), 18 na Residencia Val de Monterrei (Ourense) e outros dous na Bo Día Magnolio de Vigo.
Ademais, aínda hai un caso na Residencia Caser A Zapateira (A Coruña), outro na de Chandrexa de Queixa (Ourense) e outro máis na Domusvi de Vigo.
Por outra banda, mantéñense en 31 os casos notificados en residencias de discapacidade; todos en Fogar e Clínica de San Rafael, en Vigo.
