As autoridades sanitarias confirman a variante delta como a maioritaria en Galicia
O comité clínico destaca que os novos contaxios prodúcense nas pesonas máis novas, que adoitan pasar a enfermidade de forma máis leve.
Por Europa Press / Redacción | SANTIAGO DE COMPOSTELA | 10/08/2021 | Actualizada ás 18:21
A directora xeral de Saúde Pública, Carmen Durán, ratificou que a circulación da variante delta (india) da covid-19 é maioritaria en Galicia, do 82%, e dun 15% da variante alfa ou británica, que era a que primaba hai uns meses.
En concreto, en Galicia confirmáronse por secuenciación completa un total de 921 casos de variante alfa, 34 casos de variante beta (a surafricana), 82 de gamma (a brasileira) e 227 do delta.
Na súa intervención, Durán destacou tamén a afluencia aos cribados na Comunidade e desvelou que a semana pasada foron convocadas case 18.000 persoas. Acudiron un 62,3% e detectáronse 223 positivos (o que se traduce un 1,5% de positividad, que, "aínda que segue sendo importante", está por baixo do rexistrado en semanas previas).
A nova programación para os próximos días incorpora outras 10.000 citas, ás que habería que hai que sumar os diferentes puntos habilitados nos que se realizan test de antígenos.
A capacidade diagnóstica foi destacada por outras autoridades na rolda de prensa, na que tamén estivo presente o conselleiro, Julio García Comesaña, e na que se repasaron os pasos a dar cando hai sospeitas de ter covid ou se se opta por realizar o test de autodiagnóstico das farmacias.
ILLARSE E ESPERAR AO CONTACTO DOS RASTREADORES
En concreto, o conselleiro incidiu en que o recomendable é acceder á central de seguimento de contactos e non buscar medios alternativos para apurar unha proba co fin de reducir, por exemplo, o período de corentena.
No caso de dar positivo nun autotest de farmacia, o dato faise constar no sistema e a central de seguimento ponse en contacto para pedir unha PCR que ratifique o positivo. O que recomendan as autoridades é illarse e esperar a que contacten os rastreadores para citar unha segunda proba diagnóstica determinante.
COVID PERSISTENTE EN MOZOS
Pola súa banda, José Luís Muíño, membro do comité clínico, relatou como vive neste momento a situación a Atención Primaria e fixo fincapé sobre todo en que os novos contagios prodúcense nas pesonas máis novas, que adoitan pasar a enfermidade de forma máis leve.
"Pero non estamos exentos de que haxa ingresos hospitalarios", engadiu, antes de incidir en que se están detectando casos de covid persistente entre os máis novos. No cadro clínico prima o cansazo, que pode afectar, advertiu, entre outras cuestións, ao rendemento académico a longo prazo.
Por iso, apelou á responsabilidade dos mozos, a quen instou a reducir a vida social ou manter sempre as medidas de seguriad; e a ter en conta que, canto máis sobe a franxa de idade e ante situacións de vulnerabilidade, aumenta o risco de hospitalización, mesmo nos vacinados.
Muiño tamén insistiu finalmente en que os autotest das farmacias son "moi útiles" para persoas sen síntomas, pero alertou de que é preciso que, quen os teñan, contacten canto antes co sistema sanitario, para que lles ratifiquen os pasos a seguir. E é que, segundo indicou, está a advertirse que, nalgún caso, hai "tardanza".
