Anunciados pola OMS ensaios con tres fármacos para tratar a Covid-19 en pacientes hospitalizados

A Organización Mundial da Saúde (OMS) anunciou que probará tres novos fármacos (artesunato, imatinib e infliximab) contra a Covid-19 en pacientes hospitalizados como parte da seguinte fase do seu ensaio 'Solidarity: Solidarity PLUS'

Estas terapias foron seleccionadas por un panel de expertos independentes polo seu potencial para reducir o risco de morte en pacientes hospitalizados por Covid-19. Xa se utilizan para outras indicacións: o artesunato úsase para a malaria grave, o imatinib para certos cancros e o infliximab para enfermidades do sistema inmunitario como a enfermidade de Crohn e a artrite reumatoide.

"Atopar terapias máis eficaces e accesibles para os pacientes de Covid-19 segue sendo unha necesidade crítica, e a OMS se enorgullece de liderar este esforzo mundial", dixo o director xeral da OMS, o doutor Tedros Adhanom Ghebreyesus. "Gustaríame dar as grazas aos gobernos participantes, as empresas farmacéuticas, os hospitais, os médicos e os pacientes, que se uniron para facer isto en verdadeira solidariedade mundial", expresou. Neste sentido, Tedros puxo de relevo que estes medicamentos foron doados para o ensaio polos seus fabricantes (Ipca no caso de artesunato; Novartis no de imatinib e Johnson and Johnson no caso do infliximab).

CONVOCATORIAS DA XUNTA

A nova convocatoria do programa de axudas 'Conecta Covid' puestro en marcha pola Xunta mantén aberto o prazo de solicitudes ata este venres. As empresas interesadas están aínda a tempo de presentar os seus proxectos de I+D para facer fronte aos efectos da pandemia, segundo lembra a Xunta. Cun orzamento de 4 millóns e a intención de mobilizar 6, o obxectivo desta iniciativa é avanzar na innovación fronte á covid e na transición dixital do tecido empresarial.