Baixan os positivos en residencias de maiores aos 78 casos
O número de positivos en residencias de discapacidade mantense en 14 persoas afectadas.
Por Europa Press / Redacción | SANTIAGO DE COMPOSTELA | 15/08/2021 | Actualizada ás 13:16
Os casos de covid-19 detectados en residencias de maiores descenderon ata as 78 infeccións tras rexistrarse dous negativos en dúas residencias da Coruña, un na residencia de maiores Concepción Arenal e outro na de Caser A Zapateira.
Así as cousas, tal e como informou a Consellería de Sanidade nun comunicado, dos 78 casos activos rexistrados en centros de maiores, 28 pertencen á residencia García Irmáns de Betanzos, 24 á residencia Val de Monterrei (Monterrei), sete ao centro de Ribadeo, seis á vivenda comunitaria de Alfoz, cinco á residencia Soremay (Pontevedra), tres á de Santa Marta de Vigo e dúas á residencia de Santo Estebo de Perlío (Fene).
Ademais, aínda hai un caso activo na residencia de Chandrexa de Queixa, un na Bo Día Magnolio (Vigo) e outro máis na residencia Domusvi de Vigo.
Por outra banda, mantéñense os 14 positivos en residencias de discapacidade, todos pertencentes a Fogar e Clínica de San Rafael de Vigo.
