Vinte e dous artistas confirmados para o Festival da Luz na súa nova edición en setembro
"O Festival da Luz volve con este particular formato, que cambia as cadeiras por monllos, e as mesas por palets", subliñan os organizadores sobre esta edición.
Por E.P. | SANTIAGO DE COMPOSTELA | 16/08/2021 | Actualizada ás 19:29
O Festival da Luz confirmou a 22 artistas na súa nova edición especial, que terá lugar os días 10, 11 e 12 de setembro en Boimorto, segundo informa a organización.
Na xornada do venres poderanse seguir os ritmos de Nil Moliner, Monoulious Dop, Broken Peach, Irenegarry, Moura (Concerto Vibra Mahou), Kings of the Beach (Concerto Vibra Mahou) e Superglú.
O sábado a programación iniciarase de mañá e a música non cesará con Def con Dos Tenores, Obús, Soleá Morente, Alice Wonder, Dei Brain, Rodrigo Cuevas, Los Jinetes del Trópico e Santiaguiños de Boimorto.
O domingo, día de peche do tres xornadas do festival, será o momento de Coque Malla, Juno, Sabela, Los Estanques, Verto, Jordana B e A Banda de Balbina.
"O Festival da Luz volve con este particular formato, que cambia as cadeiras por monllos, e as mesas por palets", subliñan os organizadores sobre esta edición.
