Queimadas 27 hectáreas no concello ourensán de Vilar de Barrio
O lume quedou extinguido ás 22.25 horas deste martes.
Por Europa Press / Redacción | OURENSE | 18/08/2021 | Actualizada ás 10:18
O incendio forestal rexistrado no concello ourensán de Vilar de Barrio, na parroquia de Prado, quedou extinguido ás 22,25 horas do martes, segundo informa a Consellería do Medio Rural.
O lume, que se iniciou na noite do pasado domingo, afectou, de acordo coas últimas medicións, a unha superficie de 27 hectáreas arboradas.
Para o seu control, mobilizáronse nove axentes, 32 brigadas, tres helicópteros e 13 motobombas, entre outros efectivos, sinala o departamento autonómico.
Por outra banda, a Consellería lembra que está a disposición da cidadanía o número de teléfono gratuíto 085, ao que chamar en caso de detectar algún incendio forestal. Para denunciar calquera actividade incendiaria da que se sospeite ou teña coñecemento está habilitado o 900 815 085.
