Gadis colabora co equipo paralímpico, que disputará os Xogos de Tokio o 24 de agosto
"Son un exemplo de superación, esforzo e traballo en equipo para toda a sociedade, valores que compartimos e aplaudimos", indica o supermercado.
Por E.P. | A CORUÑA | 18/08/2021 | Actualizada ás 14:32
Supermercados Gadis colabora, desde 2007, co Plan ADO Paralímpico (ADOP), segundo informa. Por iso, anima os 141 integrantes do equipo paralímpico español, que disputarán os Xogos de Tokio entre o 24 de agosto e o 5 de setembro.
Desde hai 14 anos, a empresa colabora co Plan ADO Paralímpico (ADOP), que permite aos deportistas con diferentes capacidades dispor de bolsas para asistir a un maior número de concentracións e competicións internacionais, contar con técnicos, persoal de apoio, material deportivo específico ou servizos médicos, entre outros.
"Son un exemplo de superación, esforzo e traballo en equipo para toda a sociedade, valores que compartimos e aplaudimos desde Gadis", sostén Antonio Cortés Lobato, director de Responsabilidade Social Corporativa. O patrocinio do Plan ADO Paralímpico desde o ano 2007 contribuíu, sinala, á participación do equipo nos Xogos Paralímpicos de Pequín 2008, Londres 2012, Río de Janeiro 2016 e agora Tokio 2021.
