Por E.P. | SANTIAGO DE COMPOSTELA | 19/08/2021 | Actualizada ás 10:42
O Servizo de Prevención, Extinción de Incendios e Salvamento (Speis) de Cee interveu na extinción dun lume que afectou a tres vehículos en Carnota, en Porto de Quilmas, segundo informa.
O aviso recibiuse na tarde do mércores, ao redor das 17,17 horas, e non finalizou ata case dúas horas despois. Inicialmente, notificouse que un coche, aparcado en Porto de Quilmas, botaba fume e, con posterioridade, confirmouse que son máis coches os que arden e que o lume podía afectar o monte e as casas próximas.
Ao lugar, desprazáronse tamén a Policía Local de Carnota e unha dotación dos GES de Muros para colaborar nos labores de extinción.
Co lume controlado, comprobouse que dous vehículos arderon na súa totalidade e un terceiro viuse afectado parcialmente. As chamas non afectaron a un cuarto vehículo, próximo aos outros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.