Por E.P. | SANTIAGO DE COMPOSTELA | 19/08/2021 | Actualizada ás 14:07
Adif informa de que xa foi restablecida a circulación entre Santiago de Compostela e A Escravitude tras a presenza dun incendio próximo á infraestrutura que obrigou a interrompela.
Afectou os trens que realizan o traxecto Santiago de Compostela-Pontevedra. En concreto, provocou 38 minutos de atraso a un A Coruña-Vigo Urzaiz que saíu ás 12 da capital herculina e tiña previsto chegar á cidade olívica ás 13,20 horas, informan fontes de Renfe consultadas por Europa Press.
Pola súa banda, fontes de Adif sinalan que o fume por un incendio divisouse á altura dos cambios, na bifurcación, neste punto entre Santiago e A Escravitude. Aínda sen coñecer a orixe, cren que debeu ser alleo á infraestrutura, porque se non requiriría a reparación da avaría.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.