Falece un escalador galego en Cabrales

Un escalador de orixe galega de 52 anos faleceu en Cabrales cando baixaba rapelando o Jou de los Cabrones. O Grupo de Rescate do Servizo de Emerxencias do Principado de Asturias (SAIBA), a bordo do helicóptero medicalizado de Bombeiros de Asturias, trasladoulle ao Hospital Universitario Central de Asturias (HUCA), en Oviedo, tras ser rescatado da parede. Falecía horas máis tarde nese centro.

O home ía acompañado doutras dúas persoas que resultaron ilesas, unha muller de 48 anos de idade e unha menor, tiveron que baixar camiñando, acompañadas por un bombeiro-rescatador e o guía do refuxio de Cabróns, ata este refuxio. Tras evacuar ao montañeiro ao hospital, a néboa impediu o regreso a por o resto de afectados o helicóptero de bombeiros.

O Centro de Coordinación de Emerxencias do 112-Asturias recibiu o aviso ás 17.03 horas de onte mércores. A chamada, realizada pola muller que acompañaba ao escalador, explicaba que o home estaba rapelando e sufrira unha caída de máis de 30 metros. Ela e unha menor que a acompañaban estaban a salvo e ilesas. Non estaban a escalar.

A Sala 112 do SAIBA activou o helicóptero medicalizado de Bombeiros de Asturias e ao Grupo de Rescate do que forma parte unha médica-rescatadora. Ás 19.55 horas informan que están a cinco minutos do HUCA co afectado. Rescatárono mediante varias operacións de guindastre nas que se despregaron máis de 40 metros de cable. Presenta politrauma de carácter moi grave.

Tras deixar ao ferido no hospital a meteoroloxía impide regresar ao lugar para buscar ás outras dúas afectadas e ao bombeiro-rescatador que quedou con elas. Co apoio dun guía do refuxio que acudiu ao seu encontro, o rescatador baixou camiñando, con ambas, ata i refuxio onde chegaron á unha desta madrugada e onde pasaron a noite.

Este mediodía o Grupo de Rescate regresou ao lugar co helicóptero medicalizado. O equipo trasladounas ata Poncebos onde tiñan estacionado o seu vehículo.

Helicóptero do 061 nun incidente | Fonte: @HelicoSantiago