Por E.P. | SANTIAGO DE COMPOSTELA | 21/08/2021 | Actualizada ás 18:56
A Xunta concedeu as axudas á edición de recursos didácticos curriculares en galego, destinadas a un total de 55 proxectos de empresas do sector editorial. A convocatoria, destaca a Xunta, está dotada con 200.000 euros para impulsar o uso do galego no ensino regulado non universitario.
Os proxectos subvencionados teñen como obxectivo a elaboración e edición en lingua galega dos recursos didácticos curriculares e complementarios destes, realizados en soportes impresos ou dixitais, incluíndo a elaboración de material didáctico para a formación regulada de adultos.
Considérase recurso didáctico complementario calquera tipo de material educativo que contribúa a profundar no coñecemento dos bloques temáticos contidos nos currículos oficiais dos ensinos non universitarios da comunidade.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.