Por E.P. | SANTIAGO DE COMPOSTELA | 23/08/2021 | Actualizada ás 17:02
O conselleiro de Educación, Román Rodríguez, adiantou que pedirá ao Goberno que "achegue fondos complementarios" para "facer fronte aos custos do sistema", durante a reunión que manterá coa ministra de Educación, Pilar Alegría, este mércores.
Rodríguez sinalou que esta partida orzamentaria non suple aos fondos 'REACT' do fondo de financiamento ás comunidades autónomas, e serviría para cubrir gastos en todos os niveis educativos: "equipamento, dotacións, profesorado...".
Así, o titular de Educación asegurou que ese é a "principal reivindicación" na que debe incidir o Goberno galego no encontro desta semana.
Ademais, explicou que Educación escoitará as propostas do ministerio para traballar, por unha banda, no nivel puramente sanitario, e por outro, en todo o relacionado co financiamento para aplicar medidas que poidan "supor un sobreesforzo económico".
A reunión da ministra de Educación coas comunidades autónomas terá como obxectivo "revisar o protocolo educativo para o próximo curso". Durante a mesma, actualizarase o acordo ao que chego o ministerio coas distintas consellerías de Educación no mes de maio.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.