Por Europa Press / Redacción | SANTIAGO DE COMPOSTELA | 23/08/2021 | Actualizada ás 18:54
Os casos de Covid en residencias de maiores de Galicia baixaron nas últimas horas a 97, tras recibir a alta epidemiolóxica un usuario da residencia Val de Monterrei, mentres que segue habendo 53 contaxiados entre os dous únicos centros de discapacidade afectados polo virus na comunidade.
Segundo informou este luns a Consellería de Política Social, tras o alta do usuario de Val de Monterrei, os casos de Covid en centros de maiores distribúense do seguinte modo: 50 casos na residencia As Gándaras de Lugo, 28 casos na residencia García Irmáns de Betanzos, 5 na residencia Val de Monterrei, 5 na residencia Santa Marta de vigo, 3 na residencia de maiores de Ribadeo, 3 na residencia Soremay de Pontevedra, un en DomusVi Matogrande da Coruña, un na residencia Santo Estevo de Perlío en Fene, e outro na residencia DomusVi Vigo.
Con respecto aos centros de discapacidade, non se rexistraron cambios nas últimas horas, e segue habendo 53 usuarios contaxiados por Covid: 48 no Centro de Atención a Persoas con Discapacidade (CAPD) de Chapela-Redondela e 5 no Fogar e Clínica San Rafael de Vigo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.