Por Europa Press / Redacción | SANTIAGO DE COMPOSTELA | 23/08/2021 | Actualizada ás 19:45
A Xunta, a través da Axencia Galega da Calidade Alimentaria (Agacal), iniciou a campaña de control das vendimas nos viñedos das denominacións de orixe. O obxectivo destes controis, que cumpren o seu terceiro ano, é velar pola calidade dos viños galegos, segundo incide a Administración autonómica nun comunicado.
O plan conta cunha dotación orzamentaria de 200.000 euros e pretende evitar "situacións fradulentas" que interfiran nos controis de calidade dos viños con denominación de orixe.
O equipo que desenvolve estas tarefas está composto por 15 persoas --12 inspectores de campo e tres técnicos--. O seu traballo centrarase en controlar as parcelas nas semanas previas ás vendimas, que arrincarán a mediados de setembro.
Será entón cando a campaña se active de forma específica e, deste xeito, velar por que a uva que chega ás adegas cumpra coas condicións.
Tamén realizarán controis terrestres de uva nas proximidades das adegas e nas vías de comunicación na contorna das parcelas de vendima e comprobaranse os centros de provisión ou postos de compra-venda de uva que poidan existir no ámbito xeográfico de actuación para garantir que estean dados de alta no respectivo consello regulador.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.