Por Galicia Confidencial | SANTIAGO | 24/08/2021 | Actualizada ás 21:00
O vivido polo SD Compostela na pasada temporada, na que voltaron á Segunda División B, pódese gozar de novo. O documental "Picheleiros", realizado pola produtora galega édeporte.gal, rememorará o vivido polo grupo blanquiazul. A peza audiovisual estrearase o martes 24 ás 21.00 horas na web de édeporte.gal, na que tamén se poderán visualizar máis contido relacionado co cadro santiagués.
Dirixida por César Fieiras e cunha duración de media hpora aproximadamente,a peza contén entrevistas cos xogadores e persoal da entidade, así como diferentes momentos vividos na temporada. Con este ddocumental queren achegar aos afeccionados como é o día a día do club e recordar a boa campaña realizada.
O proxecto édeporte.gal naceu na V edición da Bolsa Nacho Mirás, organizada polo Colexio de Xornalistas de Galicia, ABANCA e a USC, co obxectivo de "visibilizar a cultura deportiva audiovisual galega e en galego". Esta plataforma continuará coa súa actividade a partir do mes de sembro para cubrir máis deportes, eventos e escenarios. Ademais, dende a plataforma buscan patrocinadores oficiais interesados en colaborar co proxecto.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.