Por Europa Press / Redacción | SANTIAGO DE COMPOSTELA | 01/09/2021 | Actualizada ás 14:09
O prezo da vivenda en aluguer subiu en Galicia un 2,6% no último ano, segundo o último informe de prezos publicado polo portal inmobiliario Idealista.
Mentres, de acordo co informe mensual de prezos de venda de pisos.com, a vivenda de segunda man en Galicia en agosto de 2021 tivo un prezo medio de 1.266 euros por metro cadrado. Esta cifra supuxo un descenso da -0,54% fronte ao mes de xullo, o máis contido do país. Interanualmente, produciuse unha subida do 1,39%.
A nivel estatal, o prezo da vivenda en aluguer caeu un 6,7% en agosto respecto ao mesmo mes do ano anterior, ata establecerse en 10,7 euros por metro cadrado. No entanto, nos últimos 30 días a caída parece atenuarse e o prezo baixou un 0,3%, sinala o portal inmobiliario.
Durante o último ano, un total de 17 capitais experimentaron caídas no prezo da vivenda en aluguer. Os descensos máis pronunciados son os de Madrid, onde as rendas caeron un 9,3%, e Barcelona, onde baixaron un 8,5%. No último mes, en cambio, o prezo creceu un 0,5% en Madrid e un 0,2% en Barcelona.
A continuación aparecen as caídas interanuais do aluguer en Palencia (-5%), Palma (-5%), Málaga (-4,6%), Bilbao (-2,3%) e Alacante (-2,3%).
No lado contrario, Huesca é a capital na que máis creceu o prezo do aluguer durante o último ano (+8,1%), seguida de Soria (+8%), Zamora (+7%), Albacete (+6,7%), Melilla (+5,4%), Vitoria (+4,2%) e Almería (+4%).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.