Galicia prepárase para recibir a La Vuelta
Haberá un dispositivo de 130 gardas civís para manter a seguridade.
Por Europa Press / Redacción | SANTIAGO DE COMPOSTELA | 03/09/2021 | Actualizada ás 10:23
A 76 edición de La Vuelta ciclista a España pasará esta fin de semana por Galicia. Farao durante a etapa do evento na provincia de Pontevedra, con saída na localidade de Sanxenxo e final de etapa no Castro de Herville. Tamén na provincia de Lugo, con final de etapa na localidade de Monforte de Lemos e na contrarreloxo desde Padrón a Santiago de Compostela.
A seguridade correrá a cargo da Unidade de Mobilidade e Seguridade Viaria da Garda Civil. A unidade está composta por un total de 130 gardas civís, 85 da Agrupación de Tráfico; 39 compoñentes da Agrupación dereserva e Seguridade, dos grupos de Pontevedra e Tenerife, encargados da seguridade cidadá e a orde pública no interior das etapas, especialmente nos portos de montaña e en zonas de aglomeración de persoas e seis gardas civís do servizo aéreo de Madrid.
En canto a medios materiais, a Agrupación de Tráfico achega ao dispositivo 63 motocicletas, un turismo, catro monovolúmenes, trs furgóns e un camión. A Agrupación de reserva e Seguridade nove vehículos todoterreo e tres furgóns e o servizo aéreo unhelicóptero, entre outros medios. O dispositivo contará tamén co apoio das respectivas comandancias.
