Por E.P. | SANTIAGO DE COMPOSTELA | 03/09/2021 | Actualizada ás 17:58
Un total de 99 afgáns chegaron a Galicia como refuxiados, segundo informa a Delegación do Goberno en Galicia. A súa acollida ten lugar no marco do programa de Protección Internacional do Goberno de España que no caso de Afganistan recibe o nome de 'Operación Antígona'.
Estas persoas foron acollidas nos centros do Sistema Estatal de Acollida en Galicia financiados polo Goberno e xestionados polas entidades colaboradoras: Cruz Vermella, ACCEM Galicia, Ecos do Sur (integrada na Rede Acolle), Provivienda Galicia e Movemento pola Paz.
Do total de refuxiados acollidos, 24 atópanse na provincia da Coruña; 44, na provincia de Ourense e 31 persoas na provincia de Pontevedra. Ademais, 56 deles son menores, máis da metade.
O delegado do Goberno, José Miñones, subliña que "a prioridade do Executivo foi e é que estas familias evacuadas poidan empezar a súa nova vida en España canto antes, para o que foi necesario ser áxil nas derivacións cara aos recursos, nos que xa inician o seu proceso de integración".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.