Galicia recibe 99 refuxiados de Afghanistán, máis da metade menores de idade

A acollida concéntrase na provincia de Ourense, con 44 persoas.

Por E.P. | SANTIAGO DE COMPOSTELA | 03/09/2021 | Actualizada ás 17:58

Comparte esta noticia

Un total de 99 afgáns chegaron a Galicia como refuxiados, segundo informa a Delegación do Goberno en Galicia. A súa acollida ten lugar no marco do programa de Protección Internacional do Goberno de España que no caso de Afganistan recibe o nome de 'Operación Antígona'.

Estas persoas foron acollidas nos centros do Sistema Estatal de Acollida en Galicia financiados polo Goberno e xestionados polas entidades colaboradoras: Cruz Vermella, ACCEM Galicia, Ecos do Sur (integrada na Rede Acolle), Provivienda Galicia e Movemento pola Paz.

Do total de refuxiados acollidos, 24 atópanse na provincia da Coruña; 44, na provincia de Ourense e 31 persoas na provincia de Pontevedra. Ademais, 56 deles son menores, máis da metade.

O delegado do Goberno, José Miñones, subliña que "a prioridade do Executivo foi e é que estas familias evacuadas poidan empezar a súa nova vida en España canto antes, para o que foi necesario ser áxil nas derivacións cara aos recursos, nos que xa inician o seu proceso de integración".

Equipaxes de refuxiados afgáns na base aérea de Torrejón de Ardoz a 24 de agosto de 2021, en Madrid (España).. Jesús Hellín - Europa Press
Equipaxes de refuxiados afgáns na base aérea de Torrejón de Ardoz a 24 de agosto de 2021, en Madrid (España).. Jesús Hellín - Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Gamela

Cruz Vermella, ACCEM Galicia, Ecos do Sur - Rede Acolle, Provivienda Galicia e Movemento pola Paz... serán eles os beneficiarios ? Un proxecto de recuperación para Galicia segue agardando que alguén o tome en serio... https://i.gal/gam25