Miami contará cun símbolo que "porá o Camiño de Santiago no 'skyline' da cidade"

A colectividade galega de Florida traballa en diversas iniciativas para a promoción do Xacobeo 2021-22 como a colocación dunha mouteira nun lugar emblemático de Miami e a sinalización do Camiño de Santiago, así como engadir outro símbolo de Galicia para o que se conta coa colaboración da cidade norteamericana. Iso, segundo indicou a Xunta, porá a ruta xacobea no 'skyline' da cidade

Diso informou a Xunta nun comunicado remitido aos medios, no que detalla que o vicepresidente primeiro da Xunta, Alfonso Rueda, acompañado polo secretario xeral da Emigración, Antonio Rodríguez Miranda, recibiron ao presidente da Asociación de Empresarios Galegos de EEUU (Aegusa), José Manuel Brandariz, con quen analizaron vías de colaboración para a promoción do Xacobeo 21-22 en Miami.

No encontro, o responsable de Aegusa tamén trasladou que se traballa, en colaboración co Goberno local, para a posta en marcha de actividades de información e divulgación sobre o Camiño de Santiago. En concreto, en EEUU residen actualmente 23.175 galegos, 8.325 nados en Galicia, sendo o resto descendentes.

O vicepresidente primeiro da Xunta, Alfonso Rueda, acompañado polo secretario xeral dá Emigración, Antonio Rodríguez Miranda, recibiron ao presidente da Asociación de Empresarios Galegos de EEUU (Aegusa), José Manuel Brandariz. XUNTA | Fonte: Europa Press