Descende o ritmo de vacinación tras administrar o Sergas 3.500 doses
A Comunidade conta co 78'2% da súa poboación inmunizada.
Por Europa Press / Redacción | SANTIAGO DE COMPOSTELA | 07/09/2021 | Actualizada ás 11:23
O Servizo Galego de Saúde (Sergas) administrou outras 3.425 vacinas contra a covid-19 nun día --2.361 menos que a xornada anterior--, das cales a gran maioría estiveron destinadas a completar pautas. Deste xeito, Galicia conta xa co 78,2% da súa poboación total inmunizada ante o coronavirus.
Así, ata este martes --con datos solicitados ata finalizar a vacinación do luns--, a Comunidade galega recibiu 4.336.979 doses, tras sumar outras 94.770 recentemente chegadas. De todas elas, inoculoy 4.177.971, é dicir, o 96,33%.
Na pasada xornada, 3.077 pacientes quedaron inmunizados contra o coronavirus. En concreto, as persoas con pauta completa en Galicia ascenderon a 2.111.300, o que supón o 86,02% da poboación diana na campaña de vacinación e o 78,2% de todos os galegos.
Por grupos de idade, un total de 1.652.291 galegos de máis de 40 anos recibiron polo menos unha picada. Son 259 persoas máis que hai 24 horas e a porcentaxe de cobertura neste grupo de idade supera xa o 96,06%.
No grupo de 30 a 39 anos, vacináronse 263.798 pacientes (+139 no último día), un 81,6%. Outros 191.659 mozos de entre 20 e 29 anos tamén recibiron, como mínimo, a primeira inxección (+83), o que representa o 83,04% da poboación diana nesta franxa. Entre os máis pequenos, no grupo de entre 10 e 19 anos, foron vacinados 164.937 mozos e mozas (+87).
VULNERABILIDADE E PROBABILIDADE DE EXPOSICIÓN
Ademais, por vulnerabilidade, un total de 59.965 persoas recibiron a primeira dose da vacina, mentres 59.465 completaron xa a pauta contra a covid-19. Por probabilidade de exposición, outros 145.320 galegos contan coa primeira picada e 143.914 están xa inmunizados.
En total, 2.272.686 galegos recibiron polo menos unha dose da vacina contra a covid, o que representa un 92,59% da poboación diana e un 84,17% da xeral.
