Por Europa Press / Redacción | VIGO | 10/09/2021 | Actualizada ás 12:37
Galicia arrincou este venres a vacinación da terceira dose ao colectivo de persoas con inmunodeprimidas e trasplantados. En concreto, foron citadas 50 persoas en hospitais e puntos de vacinación masiva das áreas de Vigo, Santiago e A Coruña.
O inicio da vacinación da terceira dose adiantouno o presidente da Xunta, Alberto Núñez Feijóo, en declaracións aos medios en Vigo, onde avanzou que a previsión do Sergas é poder finalizar a inoculación desta terceira dose en 15 días para todos os pacientes nos que sexa posible.
Segundo os datos do Sergas, hai 7.500 persoas en Galicia nesta situación, entre os que se atopan pacientes trasplantadas de órganos sólidos e de medula.
MAIORES E VULNERABLES
Por outra banda, afirmou que, seguindo as recomendacións e pautas da comunidade científica, seguirase "valorando" inocular a terceira dose a persoas maiores e persoas vulnerables e, cando finalice o ensaio clínico e se se acorda, procederase á inmunización de menores de 12 anos.
O presidente da Xunta subliñou que Galicia está "a finalizar" a vacinación da poboación diana e que, "nas próximas semanas", prevese concluír a dobre pauta nos maiores de 12 anos. Respecto diso, celebrou que "a inmensa maioría" dos galegos optou por vacinarse contra a Covid, e que "o único problema" foi "non ter suficientes" doses para avanzar máis rápido.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.