A próxima executiva do PP de Pontevedrá terá coordinadores en todas as comarcas da provincia
O obxectivo é fomentar as relacións e coordinar o traballo entre os diferentes alcaldes e portavoces municipais, pór en común as iniciativas que levan a cabo en diferentes concellos e coordinar accións conxuntas.
Por E.P. | SANTIAGO DE COMPOSTELA | 14/09/2021 | Actualizada ás 20:05
O candidato a presidir o PP de Pontevedra, Alfonso Rueda, avanzou que a política municipal terá un lugar destacado na nova executiva que saia do congreso provincial deste fin de semana na capital. Por iso, volverá apostar por nomear coordinadores en todas as comarcas da provincia.
Nun encontro con alcaldes e portavoces e compromisarios dos concellos da comarca do Salnés, explicou que estes coordinadores farán de ligazón entre os diferentes municipios de cada comarca e a propia dirección provincial.
O obxectivo, continuou, é fomentar as relacións e coordinar o traballo entre os diferentes alcaldes e portavoces municipais, pór en común as iniciativas que levan a cabo en diferentes concellos e coordinar accións conxuntas.
"É o momento de ser máis sensibles que nunca cos problemas e necesidades da cidadanía, e por iso é fundamental o protagonismo ao municipalismo e á política de proximidade", expuxo.
Na provincia celebráronse 22 congresos, incluídas o tres cidades. Ademais, o PP de Pontevedra ten o maior número de afiliados, 30.000 persoas, sumando 1.500 no últimos cinco anos.
Rueda ofreceu "a mesma ilusión que o primeiro día para traballar pola provincia e o partido". "É fundamental para estar á beira das 61 agrupacións locais e dos seus afiliados", apuntou, antes de indicar que o reto é trasladar as maiorías do PP aos municipios.
