Ollo se usas móbiles, fumas ou comes e bebes no coche... Tráfico estará vixiante
Incrementará o control de distraccións durante a condución desde este xoves.
Por Europa Press / Redacción | SANTIAGO DE COMPOSTELA | 15/09/2021 | Actualizada ás 10:05
O Subsector de Tráfico da Garda Civil incrementará o control de distraccións durante a condución en Galicia desde este xoves no marco da campaña 'Roadpol Safety Days'.
Segundo detallaron fontes do Instituto Armado, esta campaña está coordinada a nivel nacional pola Dirección General de Tráfico (DGT) e o organismo que aglutina os corpos policiais que realizan tarefas de vixilancia de tráfico en Europa, Roadpol. En concreto, levará a cabo desde este xoves ata o vindeiro mércores en todas as estradas europeas.
Deste xeito, búscase evitar distraccións durante a condución, como a utilización de terminais de telefonía móbil, a inxesta de alimentos e bebidas, o consumo de tabaco e as discusións debido a que increntan o risco de sufrir sinistros ao afectar o tempo de reacción e a capacidade de anticipación dos condutores.
Precisamente, nos últimos catro anos, as distraccións convertéronse na primeira causa de accidentes mortais en España e estiveron presentes no 20% dos sinistros viarios.
Así, buscarase incrementar o control das mesmas mediante vehículos camuflados que realizarán tarefas de control de modo especial en tramos de estradas con maior intensidade de circulación e unha elevada incidencia destas distraccións.
