Pontón denuncia a exclusión do 40% da poboación da sanidade presencial

A portavoz nacional do BNG, Ana Pontón, denunciou este xoves a "exclusión" do 40% da poboación para unha atención sanitaria presencial e acusou ao presidente da Xunta, Alberto Núñez Feijóo, de "anuncios enganosos", ao dar a entender que desde hoxe se recuperaría a normalidade.

Na súa visita á feira Mindtech de Vigo, centrada na industria do metal, acusou ao mandatario autonómico de "socavar" unha das bases máis importantes do servizo público de saúde, que pasa, dixo, por unha atención presencial, directa e inmediata para todos. Así mesmo, volveu a denunciar que hai "colapso".