Por Europa Press / Redacción | SANTIAGO DE COMPOSTELA | 17/09/2021 | Actualizada ás 10:15
A vicepresidenta terceira do Goberno e ministra de Traballo, Yolanda Díaz, mostrou a súa satisfacción polo acordo subscrito cos sindicatos para a subida do Salario Mínimo Interprofesional (SMI) ata os 965 euros.
A preguntas dos medios á súa chegada a Santiago para participar nun foro sobre emprendimiento feminino organizado pola Confederación Empresarios de Galicia (CEG), Díaz expresou que está "moi satisfeita" co pacto con sindicatos do que se descolgou a patronal.
"Estamos a traballar no diálogo social", expresou a responsable de Traballo, que tamén negou a existencia de diferenzas no executivo despois de que a vicepresidenta primeira, Nadia Calviño, asegurase na xornada do xoves que non existía un acordo asinado para subir o SMI que foi confirmado horas despois.
"É unha decisión do goberno de España", remarcou Díaz, que di estar "moi satisfeita" cun acordo que chegará "a 80.000 galegos e a medio millón de persoas" en todo o país.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.