Atopan falecido a un octoxenario nunha piscina particular en Bergondo
Foi un familiar quen o descubriu.
Por Europa Press / Redacción | SANTIAGO DE COMPOSTELA | 17/09/2021 | Actualizada ás 13:54
O corpo dun home octoxenario foi atopado este venres sen vida nunha piscina dun domicilio particular na localidade coruñesa de Bergondo.
Así o informou o 112 Galicia, que indicou que sobre as 13,00 horas un familiar do home chamou ao servizo de emerxencias para informar do sucedido no lugar de Aldea Arriba, en Santa Marta.
Tras iso, por parte do CIAE-112 Galicia puxéronse os feitos en coñecemento do persoal sanitario, da Garda Civil, da Policía Local, dos Bombeiros de Betanzos e dos membros da Agrupación de Voluntarios de Protección Civil de Bergondo. No lugar, e a pesar dos esforzos dos servizos médicos, os equipos de intervención confirmaron que non se puido facer nada por salvarlle a vida ao home.
