Por Europa Press / Redacción | SANTIAGO DE COMPOSTELA | 20/09/2021 | Actualizada ás 13:56
O vicepresidente segundo e conselleiro de Economía, Empresa e Innovación, Francisco Conde, defendeu este luns a aposta por unha minaría "sustentable" e un "aproveitamento razoable" dos recursos naturais de Galicia para lograr o desenvolvemento industrial e afrontar o desafío do abastecemento de materias primas para o sector.
Así o trasladou durante a súa intervención na inauguración das xornadas 'Minerais estratéxicos para a industria galega', que levan a cabo ata o mércores nas instalacións da Cidade da Cultura, onde reivindicou a importancia de compatibilizar esta actividade co respecto ao medio natural.
Conde apelou ao contexto actual para incidir na importancia de afrontar o reto do abastecemento, situando como exemplo a crise dos microchips no caso da industria da automoción.
"A industria e a minaría son dous vectores inseparables desde o punto de vista do proceso de sustentabilidade cara ao cal camiña o tecido produtivo e a nosa economía, polo que temos que, cada vez con maior intensidade, vincular todas as actividades mineiras á propia industria", apuntou.
Neste sentido, destacou que a 'Estratexia de Minaría Sustentable' na que traballa a Xunta busca favorecer a economía circular, acompañar "as necesidades do sector industrial e o desenvolvemento da propia minaría" e compatibilizar o respecta o medio ambiente coa creación de emprego e oportunidades.
O titular de Economía reiterou que o acceso a determinados materiais "vai ser vital" no camiño cara a esa transformación tecnolóxica e enerxética, en particular para sectores estratéxicos como o da automoción, o naval ou o sector TIC.
É por iso que insistiu na necesidade de diminuír a dependencia da industria de determinadas materias primas e situar ao sector mineiro en aliado para a modernización das principais cadeas de valor.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.