Acordo entre os concellos da Coruña e Sevilla para impulsar proxectos en vivenda, turismo e educación
"E esa coordinación e bo facer foi crecendo, ampliando os seus ámbitos de actuación ata converterse no protocolo de colaboración que hoxe asinamos", expuxo a rexedora coruñesa Inés Rey.
Por E.P. | A CORUÑA | 20/09/2021 | Actualizada ás 17:51
A alcaldesa da Coruña, Inés Rey, e o rexedor de Sevilla, Juan Espadas, asinaron un convenio para impulsar proxectos en común en ámbitos como o medio ambiente, políticas de vivenda social, cultura, educación, turismo e dinamización das pemes.
O obxectivo do convenio, asinado en Sevilla, pretende pór en marcha novas iniciativas "que sirvan para mellorar a calidade de vida da cidadanía e deseñar as cidades despois da pandemia", precisa o goberno local.
Sobre o convenio, Rey lembrou que ten a súa orixe nun irmandamento entre Emalcsa, a empresa municipal de augas da Coruña e Emasesa, Empresa Metropolitana de Abastecemento e Saneamento de Augas de Sevilla.
"E esa coordinación e bo facer foi crecendo, ampliando os seus ámbitos de actuación ata converterse no protocolo de colaboración que hoxe asinamos", expuxo a rexedora.
