A película en galego 'Eles transportan a morte' recibe unha mención especial no Festival de San Sebastián

'Eles transportan a morte', película dirixida pola galega Helena Girón e o canario Samuel M. Delgado, recibiu unha mención especial na seción Zabaltegui-Tabakalera do Festival de Cinema de San Sebastián.

Segundo informaron a distribuidora deste filme, a película, rodada integramente en galego, recibe este recoñecemento despois de gañar o Premio Mario Serandrei-Hotel Saturnia á Mellor Achega Técnica na Semana da Crítica de Venecia.

'Eles transportan a morte' compite tamén na Sección Oficial do Ourense Filme Festival, que se celebra na capital ourensá esta semana.

Cartel de 'Eles transportan a morte'. BEGIN AGAIN FILMS