Reunión este martes do comité de Alu Ibérica coa alcaldesa da Coruña e os portavoces da corporación
No encontro, a corporación trasladará "o apoio unánime aos traballadores e ás súas demandas", avanza tamén sobre o contido do encontro.
Por E.P. | A CORUÑA | 27/09/2021 | Actualizada ás 17:24
A alcaldesa da Coruña, Inés Rey, acompañada polo resto de portavoces da corporación, recibirá este martes, ás 11,00 horas, ao comité de empresa de Alu Ibérica.
Na reunión, solicitada pola Marea Atlántica, a rexedora "trasladará novamente o seu apoio incondicional ás demandas do persoal e reclamará á empresa non só o mantemento do emprego, senón tamén que garanta a continuidade da actividade industrial na cidade".
"A rexedora non só esixirá responsabilidades aos actuais propietarios da planta da Grela, senón tamén a Alcoa, especialmente despois de que o xulgado confirmase que non se cumpriron as condicións para laventa estipuladas no seu momento", explica o goberno local.
"Non existe ningunha razón para o peche da factoría", argumenta a rexedora. No encontro, a corporación trasladará "o apoio unánime aos traballadores e ás súas demandas", avanza tamén sobre o contido do encontro.
