Temas: TOPONIMIA RAG

Convocada unha nova edición de 'Toponimízate' para divulgar en concellos o valor da toponimia

A Real Academia Galega (RAG) e a Xunta promoven unha nova edición da campaña.

Por E.P. | Santiago de Compostela | 28/09/2021 | Actualizada ás 17:31

Comparte esta noticia

A Real Academia Galega (RAG) e a Xunta promoven unha nova edición da campaña 'Toponimízate', que busca divulgar o valor da toponimia galega nos concellos. Así o explicaron o presidente da RAG, Víctor F. Freixanes; o secretario xeral de Política Lingüística, Valentín García, e o especialista en toponimia do Seminario de Onomástica da institución galega, Vicente Feijoo.

O presidente da RAG, Víctor F. Freixanes; o secretario xeral de Política Lingüística, Valentín García, e o especialista en toponimia Vicente Feijoo, presentan a campaña 'Toponimízate'. MIGUEL GRANDÍO
O presidente da RAG, Víctor F. Freixanes; o secretario xeral de Política Lingüística, Valentín García, e o especialista en toponimia Vicente Feijoo, presentan a campaña 'Toponimízate'. MIGUEL GRANDÍO | Fonte: Europa Press

Freixanes asegurou que a iniciativa, que cumpre a súa cuarta edición, busca conservar a toponimia galega e transmitir ás novas xeracións o interese por ela. Mentres, Valentín García remarcou a "inmensa riqueza" de Galicia neste ámbito e apelou a non perdela.

Pola súa banda, o responsable das charlas asegurou que nelas se explica a importancia de conservar a toponimia sexa da propia denominación de concellos ou lugares, así como de terras ou ríos. "Como parte da lei de patrimonio cultural", incidiu.

Triacastela, Ribeira, Carnota, Outeiro de Rei, Meaño, O Barco de Valdeorras, O Irixo e Marín son os concellos aos que chegarán as charlas. Nelas, darase a coñecer a orixe e o significado dos nomes dos concellos e das súas parroquias e presentarase ao público o funcionamento da aplicación 'Galicia Nomeada'.

A mesma conta xa con 31.000 nomes de lugares rexistrados e máis de 2.200 usuarios colaboradores. Como novidade, este ano inclúense sesións telemáticas emitidas en directo e un taller de memoria no centro de maiores de Ortigueira.

Temas: TOPONIMIA RAG
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta