Os ciberdelitos aumentaron un 26% en Galicia: Así é o novo perfil dos criminais na web
Galicia rexistrou no último ano 14.632 delitos asociados ás novas tecnoloxías.
Por Europa Press / Redacción | SANTIAGO DE COMPOSTELA | 29/09/2021 | Actualizada ás 14:16
O número de ciberdelitos cometidos en Galicia no último ano aumentou case un 26% e representan xa una de cada cinco infraccións penais que se cometen en Galicia.
En total, foron 14.632 os delitos asociados ás novas tecnoloxías rexistrados no último ano, un 25,8% máis que no exercicio anterior, segundo as cifras dadas a coñecer este mércores polo delegado do Goberno en Galicia, José Miñones, extraídas do VIII Informe sobre Cibercriminalidade do Ministerio do Interior.
De feito, os ciberdelitos pasaron en catro anos de representar apenas o 8% das infraccións penais que se cometían en Galicia a alcanzar o pasado ano case o 20% do total. Por iso, o delegado do Goberno fixo un chamamento a cidadanía e empresas a extremar as precaucións ante este tipo de feitos.
DATOS PROVINCIAS
Tres de cada catro ciberdelitos cométense nas provincias máis poboadas de Galicia, A Coruña e Pontevedra, que concentran o 77,5% das infraccións penais coñecidas con 6.034 e 5.312, respectivamente.
Con todo, o maior crecemento produciuse na provincia de Lugo, onde aumentaron un 46% os ciberdelitos cometidos ata alcanzar as 1.483. Pola súa banda, en Ourense rexistráronse 1.533 infraccións, dos cales, 1.308 foron fraudes informáticas. E é que as fraudes cometidas a través das novas tecnoloxías son o principal ciberdelito coñecido, pois representan o 86,8%.
Os rexistros sinalan un total de 12.692 fraudes informáticas labores en Galicia o pasado ano, a maioría na Coruña (5.443) e Pontevedra (4.588) --en Lugo houbo 1.357--. En segundo lugar están as ameazas e coaccións, que sumaron en 2020 un total de 944 ciberdelitos, só un 6,5% do total.
PERFIL DO CRIMINAL
Un home de entre 26 e 40 anos de nacionalidade española. Ese é o perfil do ciberdilencuente en Galicia, segundo reflicte o informe do Ministerio do Interior, que sinala que o 73,3% dos investigados ou detidos por este tipo de actos son homes.
A Delegación do Goberno lembra que a Administración central conta cun plan estratéxico para combater este tipo de delicuencia que pivota ao redor de cinco áreas: detección, prevención, protección, resposta e persecución, así como a adecuada atención ás vítimas.
