O BNG censura a "actitude represora" do Goberno ao prohibir a protesta da CIG na Toxa
Néstor Rego apunta a unha "dobre vara de medir" por "por permitir unha manifestación nazi no centro de Madrid".
Por Europa Press / Redacción | SANTIAGO DE COMPOSTELA | 30/09/2021 | Actualizada ás 18:19
O deputado do BNG no Congreso, Néstor Rego, censurou a "actitude represora" do Goberno ao prohibir a manifestación que a CIG quería realizar na illa da Toxa --O Grove-- con motivo de clausúraa do Foro A Toja este venres.
Durante unha intervención no Congreso, o deputado nacionalista criticou a "dobre vara de medir" do Executivo central "por permitir unha manifestación nazi no centro de Madrid" mentres "tenta disolver" unha concentración autorizada, tamén na Toxa, impulsada pola Mesa pola Noramlización Lingüística e que derivou en enfrontamentos con axentes da Garda Civil.
A prohibición da protesta que a CIG quería realizar este venres por parte da Subdelegación do Goberno en Pontevedra recibiu o aval do Tribunal Superior de Xustiza de Galicia que, nun auto emitido este xoves, sentencia que a mobilización causaría perigos de levarse a cabo.
En relación a isto, Rego acusou á Subdelegación do Goberno e á Avogacía do Estado de usar "argumentos falsos" para defender a súa decisión, xa que "nunca" se ofreceu unha "alternativa" para a realización da protesta.
