A ONCE entrega os seus premios solidarios ao traballo de médicos, ONGs e traballadores do comercio
Este ano celebráronse baixo a lema 'Separadamente xuntos', tras a suspensión dos premios o ano pasado pola pandemia.
Por E.P. | A CORUÑA | 30/09/2021 | Actualizada ás 20:49
Fundación Andrea; o cirurxián Diego González Rivas, a directora de Saúde Pública da OMS, María Neira; as traballadoras e traballadores do comercio esencial durante a pandemia e a conselleira de Política Social, Fabiola García, recibiron este xoves os Premios Solidarios Galicia 2021.
Este ano celebráronse baixo a lema 'Separadamente xuntos', tras a suspensión dos premios o ano pasado pola pandemia. Estes premios convertéronse nunha homenaxe á fortaleza e solidariedade da sociedade de toda a cidadanía galega.
Nun acto con presenza do vicepresidente do ONCE, José Luís Pinto e responsables autonómicos como o delegado territorial, Manuel Martínez Pan, así como representantes do goberno galego, outorgáronse os galardóns desta edición, na sede da Coruña.
Fundación Andrea recibiuno polo labor que realiza prestando atención e apoio económico, moral e informativo a familias con escasos recursos que coidan aos seus fillos en enfermidades de longa duración, crónicas ou terminais.
Na categoría de Comunicación premiouse a documental 'Operación máis aló da fronteira', do cirurxián galego Diego González Rivas, onde recolle a súa viaxe a Gaza en decembro de 2020.
A doutora María Neira, directora do departamento de Saúde Pública da Organización Mundial da Saúde (OMS), non puido desprazarse a recoller o premio pero enviou un vídeo agradecendo o galardón.
Os traballadores do comercio de primeira necesidade foron galardoados polo seu traballo na pandemia, mentres que o galardón ao Estamento da Administración Pública recaeu na conselleira de Política Social. Fabiola García agradeceu ao ONCE a súa colaboración na loita polos dereitos das persoas con discapacidade.
