Por Europa Press / Redacción | SANTIAGO DE COMPOSTELA | 02/10/2021 | Actualizada ás 16:25
Un total de 1.036 aspirantes, o 84,64% dos 1.224 convocados, acudiron este sábado ata o recinto da Feira Internacional de Galicia, en Silleda, para realizar as probas da oferta pública de emprego do Servizo Galego de Saúde.
Trátase dun proceso iniciado o pasado 18 de setembro e que este sábado estaba dedicado a cubrir un total de 110 prazas de Medicina Interna e de técnico superior en imaxe para o diagnóstico.
No caso de Medicina Interna, acudiron 197 aspirantes (o 88,34%) para acceder a unha das 47 prazas ofertadas. Para técnico superior en imaxe para diagnóstico, había dispoñibles 63 postos e participaron na proba 839 persoas (83,82%).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.