Por Galicia Confidencial | Portonovo | 03/10/2021 | Actualizada ás 13:30
Na madrugada do sábado para o domingo, a coincidencia de choiva con pleamar volveu propiciar a inundación do PAC de Baltar (Portonovo) con augas fecais polo asolagamento dos sumidoiros."Desta vez, o cheiro era insoportable", denuncian desde a Plataforma en Defensa da Sanidade Pública Sanxenxo.
Tras alertas aos bombeiros, a situación púxose en coñecemento da área de xestión de Pontevedra-Salnés. Durante o tempo que durou esta situación de desbordamento e a posterior limpeza, o PAC estivo inhabilitado.
Nun comunicado, a Plataforma en Defensa da Sanidade Pública Sanxenxo considera que esta "recurrente situación require unha actuación urxente" por parte da administración pública. Tamén insta ao Concello de Sanxenxo a que revise e acondicione os sumidoiros da
zona "xa que todo apunta a que o problema reside na saturación das arquetas con máis emisarios e caudal do que poden xestionar".
"E, dado que estamos comezando a época de choivas e todo indica a que volverán a reproducirse estas insalubres inundacións na zona do PAC, solicitamos á Xerencia de Área, sen máis demoras, a que peche e reubique o PAC (de forma transitoria) ata a resolución completa do problema", conclúe.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.